पिया मेरो बड़ो हठीलो

सखी !
पिया मेरो बड़ो ही हठीलो
बात ना माने मेरो एकहुँ
नटखट बड़ो रसीलो

नाय करे मोसे कोऊ बतियां
गिन गिन काटूं सगरी रतियाँ
हर पल पीहू पीहू नाम रटत रहूँ
बात ना माने मेरो एकहुँ
नटखट बड़ो रसीलो
सखी !
पिया मेरो.......

निरखूं तेरो मोहनी सुरतिया
मन में बस गयो ऐसो मुरतिया
छाड जगत बस तोहे निरखूं
बात ना माने मेरो एकहुँ
सखी !
पिया मेरो........

नेह लगा पिया मैं तो हारी
तेरो छवि पर जाऊँ बलिहारी
प्रेम बिरह में हाय तड़पूं
बात ना माने मेरो एकहुँ
सखी !
पिया मेरो.......