पीहू पीहू रटत

पीहू पीहू रटत रटत बिरहनी देखहुँ भई बाँवरिया !
कित खोजूँ कौन बाट निहारूँ कैसो मिले सांवरिया !!

पीर हिय में मेरो भारी पीर भरी ये गगरिया !
कबहुँ मिलोगे नटवर मोहे कबहुँ सुनूँ बाँसुरिया !!

नाम तेरो ही पल पल टेरूँ मोहन तेरी गुजरिया !
कौन घड़ी भाग मेरो जागे दरस दे मोहे साँवरिया !!

रैन दिवस पीहू पीहू करे हिय कौन पीर मेरो जाने !
जाके हिय लागे जे प्रेम कटारी पीर सोहि पहचाने !!

अति व्याकुल भई चीत्कार हिय क्रंदन सुन कन्हाई !
बाँवरिया तेरी बाट निहारे कबहुँ कीजौ सुनवाई !!