कौन घड़ी आवे श्यामा

कौन घड़ी आवे श्यामा मोरी रीझै कौन घड़ी मोहे अपनावे !
अबहुँ लाडली दासी तिहारी दिवस रैन भई अकुलावे !!

नैनन सों जल नाही सूखे अपनों ही सुधि ना आवे !
तुम सब जानों स्वामिनी मोरी कौन विधि तोहे बतलावें !!

मन में पीर उठे मेरो भारी हाय लाडली बिसार दियो !
अपने संग नाहीं राख्यो मोहे भव सागर में डार दियौ !!

तुम ही बिगरी बनावन वारी और कौन को पुकारूँ मैं !
अपनी शरण मोहे राखो स्वामिनी तेरो नाम उचारूँ मैं !!