पाती लिखी न जावे

जाय सखी मोरे पिय सों कहियो मोसे पतियाँ लिखी न जावे
हाथ पक़र लेवे बिरहन कलम कोऊ आखर मन नाँहिं आवे
नैनन जल सों भीगी मोरी स्याही हाय किस विधि रंग दिखावे
बड़ो जतन सों हाथ उठाऊँ सखी पिय पिय लिखियो जावे
ओर कोऊ आखर न सूझे कैसो बिरहन पाती लिखावे
पिय पिय लिख ही पाती दीन्हीं कागा जा पिय सों सन्देश लेजावे
बाँवरी पिय बिन कछु नाँहिं जाने नाँहिं क्षण को देह धरावे
इतनो ही कह दीजौ पिय सों बाँवरी बैठी तोरी आस लगावे