घनन घन दामिनी

*घनन घन दामिनी, बरसै सकल यामिनी,मधुर मधुर रस बरसत*
*रस बरसत घनघोर,विलसत हिय विभोर,हिय प्रेम रस सरसत*

*नयनन कोर भीनी,पुलकित सर्वांग कीन्हीं,प्रियतम तृषित अकुलात*
*बरसत नेह भरी,रसीली मधुरिम रसभरी, उमगि सरस अघात*

*जित हिय तप्त भ्यै,सुरस रस अनन्त लहै,रसीली रसभरी सरसात*
*चपला चपल दामिनी, प्रियतम हिय भामिनी, तृप्तहुँ पुनि उमगात*

*अलियन हिय उमगत, प्रियतम चन्द्र बिलसत, पार नाँहिं पात*
*घनन घन दामिनी, सरसीलि सुरस कामिनी,निरख निरख हुलसात*